सर्व समावेशक वचननामा घेवून संजय खाडे निवडणुकीच्या मैदानात…. मतदार संघाचा कायापालट करण्याचे वचन…
वणी विधानसभा क्षेत्रातील समस्या शासन दरबारी रेटण्यासाठी मतदान करण्याचे आवाहन…
लोकवाणी जागर
निवडणुका येतात आणि जातात, निवडणुकीच्या तोंडावर अनेक आश्वासने नेते देवून मतांची झोळी मागतात, परंतु निवडणुकीनंतर नेते मंडळींना दिलेल्या आश्वासनाचां विसर पडतो व मतदारांना आपली फसगत झाल्याची प्रचीती येते. परंतु वणी विधानसभा क्षेत्राच्या निवडणूकीत अपक्ष उमेदवार संजय खाडे हे “विकासकामाचा वचननामा” घेवून जनतेला मतदान मागून मला निवडूण दिल्यास मतदार संघातील समस्यांना सामोरे जाण्याची हमी त्यांनी आपले खालील “विकासकामाचा वचननाम्यातून” दिली आहे
शेतकरी :- प्रत्येक गावात शेतीच्या विकासासाठी पक्के पांदण रस्ते तयार करणार, पिकाला हमीभाव (कापूसः १२०००/- प्रती क्विंटल, सोयाबीन: १००००/- प्रती क्विंटल) मिळण्यासाठी विधानसभेत आवाज उठवणार, सर्व शेतकऱ्यांना सरसकट कर्जमाफी मिळण्यासाठी प्रयत्न करणार शेतीसाठी दिवसा १२ तास अखंडित वीज पुरवठा मिळवून देण्यासाठी प्रयत्न करणार, शेतकऱ्यांना शेतीपूरक जोडधंदा उपलब्ध करून देणार.
युवक :- “युवक तिथे व्यायामशाळा” युवकांसाठी प्रत्येक गावात व्यायाम शाळा बांधणार, वणी, झरी व मारेगाव तालुक्यात क्रीडा संकुले सर्व सोयी सुविधांनी अद्यावत करणार, युवकांना रोजगार मिळवून देण्यासाठी प्रयत्न करणार.
महिला :- महिला बचत गटांना स्वयंपूर्ण बनविणार, महिला कौशल्य विकासावर भर देणार, महिला सुरक्षेवर व शिक्षणावर विशेष लक्ष देणार.
“माझा शब्द” :- वेकोली प्रकल्पग्रस्त शेतकऱ्यांच्या उर्वरित जमिनी संपादित करून त्यांचे पुनर्वसन करण्यासाठी विशेष प्रयत्न करणार, तीनही तालुक्यात MIDC च्या माध्यमातून रोजगार निर्मिती करणार, स्थानिक भूमिपुत्रांना रोजगाराच्या संधी उपलब्ध करून देणार, कायमस्वरूपी चालतं- फिरतं जनहित केंद्र उभारणार.
उद्योग :-मोठा दुग्ध उद्योग उभारुन दुग्ध व्यवसायाला चालना देणार, मोठा कापड उद्योग उभारून कापूस पिकाला भाव मिळवून देणार तसेच नवीन रोजगार निर्मिती करणार, महिला स्वयंरोजगारास चालना देणार, MIDC उद्योग विकासाकडे विशेष लक्ष देणार.
शिक्षण :-“गाव तिथे अभ्यासिका”, प्रत्येक गावात सर्व सोयी सुविधांनी सुसज्ज अभ्यासिका बनवणार, नियमित करिअर मार्गदर्शन सत्रे राबवणार, आदिवासी व ग्रामीण भागातील मुलींच्या शिक्षणावर विशेष लक्ष केंद्रित करणार.
पायाभूत सुविधा :-प्रत्येक गावातील अंतर्गत रस्ते करणार, रस्त्याच्या दोन्ही कडेला भूमीगत, हवाबंद गटारे, गावातील प्रत्येक वार्डात सार्वजनिक शौचालय बांधणा
नियमितपणे स्वच्छ पिण्याच्या पाण्याचा पुरवठा करणार असल्याचे, तसेच प्रदूषण मुक्त शहर :-वणी ला प्रदूषण मुक्त करणार, तिन्ही तालुक्यात मोठ्या प्रमाणात वृक्ष लागवड करून शहराचे सौंदर्गीकरण करणार. असल्याचे सांगून मतदार संघाचा कायापालट करण्यासाठी संजय रामचंद्र खाडे यांनी “शिट्टी” या चिन्हासमोरील बटण दाबून प्रचंड बहुमताने विजयी करण्याचे आवाहन केल आहे.
