सलून शॉप बंद करुण वांजरी गावी परत जात असताना दुर्दैवी घटना…
सलून व्यावसायिक भीषण अपघातात जागीच ठार….
राजु तुरणकर
सलून दुकान बंद करुण आपले गावी जात असताना समोरुन येणाऱ्या एका चारचाकी वाहनावर आदळल्याने दुचाकीस्वार तरुण जागीच ठार झाल्याची दुर्दैवी घटना काल रात्री वणी नांदेपेरा मार्गावर लायन्स शाळेच्या समोर प्रसाद हॉटेल समोर हा भीषण अपघात सोमवारी रात्री 11 वाजता दरम्यान घडली.
आनंद विजय नक्षिने (26) रा. वांजरी तालुका वणी असे या अपघातात मृत पावलेल्या तरुणाचा नाव आहे. रस्त्यावरील खड्डा चुकविताना हा अपघात घडल्याचे बोलले जात आहे.
वांजरी येथील आनंद नक्षीने हा सलून व्यावसायिक शॉप बंद करुण आपल्या पल्सर दुचाकीने रात्री अकरा वाजता गावाकडे निघाला होता. दरम्यान नांदेपेरा चौरस्ताकडून शहराकडे येणारी एका चारचाकी आणि दुचाकीची समोरासमोर धडक लागली व चारचाकी गाडीतील एअर बॅग फुटल्याने गाडीतील ड्रायव्हरला गाडी कंट्रोल न झाल्याचे सांगण्यात येत आहे, त्यामूळे गाडी काही अंतरावर फर कटत गेली, या धडकेत दुचाकीवर आनंद नाक्षिने हा रस्त्यावर पडल्याने डोक्यावर मार लागून जागीच गतप्राण झाला. घटनेची माहिती मिळताच वणी पोलीस घटनास्थळी पोहचले. अपघातात मृत आनंद नक्षीने याच्या आईचे एका वर्षांपूर्वी निधन झाले असून, वडिलांचा आधार असलेल्या एकुलत्या मुलाच्या अपघाती मृत्यूने वडिलांवर दुःखाचा डोंगर कोसळला आहे.
