स्माईल फाउंडेशनची गरजवंतांना दिवाळी स्माईल

स्माईल फाउंडेशने दिवाळीत आणली गरजवंतांच्या चेहऱ्यावर स्माईल.

साजरी केली आगळी वेगळी दिवाळी.

राजू तूरणकर —संपादक.

वणी: आज शुक्रवारी दिनांक 10 नोव्हेंबर रोजी दुर्गम आदिवासी पाड्यात व वॉटर सप्लाय येथे गरजूंना कपडे वाटपाचा उपक्रम राबविण्यात आला. दुपारी 12 वाजता पासून ते 5 वाजेपर्यंत एसपीएम शाळेजवळ, वॉटर सप्लाय व मारेगाव तालुक्यातील सोनूपोड, गावपोड, सालईपोड येथे हा कार्यक्रम घेण्यात आला.स्माईल फाउंडेशनतर्फे या उपक्रमाचे आयोजन करण्यात आले होते. राष्ट्रपती पुरस्कार प्राप्त रमेश बोबडे यांच्या प्रमुख मार्गदर्शनात राबविण्यात आला.

शहरातील 300 पेक्षा गोर गरीब, ज्यांची आर्थिक परिस्थितीत हलाखीची आहे अशा लोकांनी या उपक्रमाचा लाभ घेतला.
या कपड्यांमध्ये नवीन साड्या, जीन्स, पॅन्ट, छोट्या मुलांचे नवीन कपडे, चादर, शॉल, नवीन शूज इत्यादी साहित्य वाटप करण्यात आले. यात संपूर्ण कपड्यांमध्ये 90 टक्के कपडे हे नवीन होते उर्वरीत कपडे हे सुस्थितीतील जुने कपडे होते . गेल्या काही दिवसांपासून स्माईल फाउंडेशनच्या वतीने लोकसहभाग व दानशुरांच्या मदतीने कपडे गोळा करण्याचे काम सुरु होते.मोठ्या प्रमाणात कपडे जमा झाल्यामुळे वाटप करण्यात आले.यावेळी अध्यक्ष सागर जाधव, उपाध्यक्ष पियुष आत्राम,  सचिव आदर्श दाढे, विश्‍वास सुंदरानी, उत्कर्ष धांडे, खुशाल मांढरे, कुणाल आत्राम, सचिन जाधव, तन्मय कापसे , अनिकेत वासरीकर, घनश्याम हेपट, मयूर भरटकर, राज भरटकर, कार्तिक पिदुरकर,  विष्णु घोगरे इत्यदि सदस्य उपस्थित होते.